1. bizansın ən qüdrətli hökmdarlarından olan yustinianın həyat yoldaşı idi. ən görkəmli diplomat qadınlardan biri olub. həmçinin həmin dövrün yazıçıları və şairləri tərəfindən gözəlliyi dönə dönə tərənnüm edilib.
gənc yaşlarında kurtizankalıq və fahişəliklə məşğul olsa da, isgəndəriyyə şəhərinə köçüb burada xristianlığın monofitizm məzhəbi ilə tanış olması ilə həyatı tamamilə dəyişir. tövbə edib 24 yaşında konstantinopola qayıdır,pis keçmişinə baxmayaraq gözəlliyi ilə yustinianın ağlını başından alaraq gələcək hökmdarın həyat yoldaşı olur.
beləliklə, həmin dövrün ən böyük dövlətlərindən birinin başına 527-ci ilin avqustun 2-də sadə kəndli oğlu və keçmiş əxlaqsız qadın gəlir.
feadora xaraktercə çox güclü qadın imiş və yustinian hər məsələdə ondan məsləhət aldığını gizlətmirdi.
hətta nika üsyanı zamanı yustinian qaçmaq istərkən "ən yaxşı kəfən - hökmdarın al qırmızı geyimidir!" deyə onu üsyanı yatırmaq üçün cəsarətləndirib.

məşhur "yustinian məcəlləsinin" tərtibi zamanı o, qadınlar üçün bir çox hüquq və azadlıqların təmin olunmasına nail olur. qadınlara qarşı kişi özbaşınalıqlarını və şiddəti qanunla tənzimləyir. onun dəstəyilə keçmiş kurtizankalar üçün qadın monastırı tikilir.

keçmiş həyatını qurdalayanları ya zindana attırır, ya da muzdlu qatillərə öldürtdürürmüş.

feodora təxminən 548-ci ildə xərçəng xəstəliyindən ölür. yustinian 17 il feodorasız yaşayır və imperatorlara yad olan, ən dəhşətli məqam budur ki, təkrar evlənmir. o, ömrünün sonunadək feodoranın məhəbbətini qəlbində yaşadır, vilayətlərə, şəhərlərə, məbədlərə onun adını verir. onların uşaqları olmur və təəssüf ki, tarixə varis bəxş edə bilmirlər.